Баш бит » 2015 » Март » 01

Ап-ак карлы, салкын кышкы җиһан,
Мамык шәлен салды бүгеннән.
Хәзер инде җанга җылы өстәп,
Яз кояшы сибә күгеннән.

Энҗе тамчы тама тып-тып итеп,
Кыектагы сөңге бозлардан.
Йөрәкләр дә тибә җилкенсенеп,
Яз сулышы өргән назлардан.

Күлләвекләр ага, ярсып чаба.
Челтер-челтер аның тавышы,
Сайрар кошлар кайтып туган якка,
Парын сайлап канат кагышы.

Җанга сихәт бирә шул мизгелләр,
Яшим шулай язда юанып.
Шатлыгыннан күккә сикерердәй,
Сабый бала кебек куанып. /Азат Хәкимҗанов/

 

Караулар: 1309 | Өстәде: Ләйсән | Өстәү вакыты: 01.03.2015

Татарстан Республикасы Мәгариф һәм фән министрлыгының рәсми сайтында татар теленнән бердәм республика тесты уздыру өчен үрнәк материалларның күрсәтмә вариантлары, куелган таләпләр һәм эчтәлек элементларының кодификаторлары, үрнәк материалларның үзенчәлекләре басылып чыкты.

Караулар: 1690 | Өстәде: Ләйсән | Өстәү вакыты: 01.03.2015