Баш бит » 2014 » Февраль » 21 » 21 нче февраль - ХАЛЫКАРА ТУГАН ТЕЛ КӨНЕ!
19:34
21 нче февраль - ХАЛЫКАРА ТУГАН ТЕЛ КӨНЕ!
Халыкара туган тел көне белән, дуслар! Газиз туган телебезне саклыйк!
             ТУГАН ТЕЛ
һәр галимнең, һәр шагыйрьнең сүзе
Җитсен иде һәрбер күңелгә,
Җилләр, сулар тавышы шикелле үк,
Үзләренең асыл телендә.

Атом көче, радио заманында
Күрсәм иде шуны мин тагын:
Ярдәмләшеп, телләр бер-берсендә
Тапса фәкать кардәш, туганын.

Бу дөньяның төсен, ямен, зәүкын
Кем аркылы, ничек белдем мин?
Бишектә үк мине өйрәтүчем,
Туган телем — бәгърем, син ул, син!

Рәхмәт сиңа, рәхмәт, тәрбиячем,
һәр нәрсәнең асыл мәгънәсен
Син аңлаттың миңа, туган телем,
Син өйрәттең миңа һәммәсен. /Хәсән Туфан/




Караулар: 723 | Өстәде: Ләйсән | Теглар: татар теле, туган тел