Баш бит » 2016 » Гыйнвар » 17

Хөрмәтле сайт кунаклары, коллегаларым! Яхшы яңалык - Белем.ру порталында блоглар алып бару мөмкинлеге булдырылган. Гыйнвар аенда ул тест тежимында эшләячәк, февраль аеннан рәсми рәвештә эшләп китәчәк.Әлеге мөмкинлек нинди максатларда булдырылган һәм укытучылар өчен ул кайсы яклардан файдалы булачак соң?

  1. Күп кенә бәйгеләрдә катнашканда, квалификацияне күтәргәндә яисә раслаганда укытучының үз сайты яисә блогы булу сорала. Сайт ясау/ясату шактый катлаулы эш һәм өстәмә чыгымнар сорый. Блог ясау артык катлаулы түгел, моның өчен өстәмә чыгымнар кирәкми.
  2. Үз блогын укытучы-блоггер һәркайда визит карточкасы буларак күрсәтә ала. Блоггер тәхәллүсеһәм логины үзгәртелмәсә, блогның url-адресы үзгәрми. 
  3. Блог һәм аның интерфейсы тулысынча татар телендә. Татар телендә белем бирүче укытучыларга Татнет челтәрендә үзләрен танытырга бу менә дигән мөмкинлек.
  4. Блогта укытучы үз хезмәтләрен туплап бара, уй-фикерләрен белдерә ала. Блог кулланып укучылары белән өстәмә белем бирү системасын җайга сала ала һ.б. шундый мөмкинлекләр ачыла.
  5. Блоггер үз блогында башка теркәлгән кулланучылар белән фикер алыша, дискуссия оештыра ала.

Тулырак мәгълүмат монда

Форсаттан файдаланып, мин дә ... Дәвамы

Караулар: 1029 | Өстәде: Ләйсән | Өстәү вакыты: 17.01.2016

Әле дә истә: без, Байлангар авылы кешеләре, Нәҗип ага Насыйбуллинның олы улы Мәгъсүм Казанда прокуратурада эшли икән, дип ишетеп белә идек, китаплары белән дә танышып бардык,  әмма үзен күреп сөйләшкән юк иде.1970 еллар башында, җәйнең матур бер көнендә, авылга Мәгъсүм абый кайткан икән дигән хәбәр безгә - ул вакыттагы “Маяк” колхозы җитәкчеләренә килеп иреште. Без аларның төп йортына юнәлдек. Ишегалдындагы чисталык һәм төзеклек күзгә ташланды. Безне Мәгъсүм абыйның әнисе Разыя апа каршы алды.  Мәгъсүм абый белән күптәнге танышлар кебек кочаклашып күрештек. Сеңлесе Марзыя шул арада өстәлгә самавыр китереп куйды һәм сүз чәй өстәле артында дәвам итте. Мәгъсүм абыйның авылдагы хәлләр, колхоз һәм мәктәп тормышы белән якыннан таныш булуын белеп гаҗәпләндек. Бу сөйләшүдән без файдалы, тирән фикерләр һәм киңәшләр алдык.Мәгъсүм Насыйбуллин балалар, яшьләр өчен якты маяк булды. Мәктәпләрдә беренче һәм соңгы кыңгыраулар аның катнашында үтә, аның чыгышларын балалар йотлыгып тыңлыйлар иде. Сабантуйлар, милли бәйрәмнәр, язучылар һәм атаклы шәхесләр белән очрашуларны оештыруда да аның ярдәме зур булды.

Мәгъсүм аганың “Без капчыкта ятмый”, “Телсез шаһитләр”, “Төнге ату” дип исемләнгән һәм бик күп башка китаплары дөнья күрде. Беркем дә җинаятьче булып тумый, шулай булгач, алар кайдан барлык ... Дәвамы

Караулар: 1072 | Өстәде: Ләйсән | Өстәү вакыты: 17.01.2016