Баш бит » 2013 » Гыйнвар » 1 » Яңа ел теләкләре
18:47
Яңа ел теләкләре
         
                БӘХЕТ ИҢСЕН!
  
        Ак карларда эри төн карасы,
       Төзәлә күк Җирнең җан ярасы.
       Ак карларга охшап, безгә дә бит
                                                  Агарасы иде, яңарасы.

                                                  Ак карларны ерып, еллар кичик,
                                                  Карамыйча юллар уравына. 
                                                  Кыйбла – туры, Иман тулы булса, 
                                                  Адашмабыз язмыш буранында. 

                                                  Яңа елда хәсрәт-кайгылар да 
                                                   Әверелсен карга – ак тузанга. 
                                                   Бәхет кебек, ымсындырып, күктә 
                                                   Һәр кешегә якты йолдыз яна.

                                                   Күчсен аклык һәммә күңелләргә
                                                   Килсен шатлык һәммә кешегә дә!
                                                   Ходай кушып, Яңа елда күктән
                                                   Бәхет иңсен безнең ишегә дә!
                                                   Бәхет иңсен сезнең ишегә дә! 
                                                   Бәхет иңсен барча кешеләргә! /Р.Вәлиев /
                       
Караулар: 1937 | Өстәде: Ләйсән | Теглар: Яңа ел