Татарстан китап нәшрияты быел татар һәм рус телләрендә нәшер иткән Муса Җәлилнең «Моабит дәфтәрләре» "Кече Ватан" XII бөтенроссия төбәк һәм туган якны өйрәнү әдәбияты конкурсының "Россия төбәкләре әдәбияты" номинациясендә бүләкләнде. Бу хакта нәшриятның Facebook битендә хәбәр ителә.Китапның Россиянең 58 төбәге нәшриятыннан тәкъдим ителгән 500 дән артык басма катнашкан конкурста җиңүен билгеләп үтик. Хәзер 29 нчы Мәскәү халыкара китап күргәзмә-ярминкәсендә кысаларында бүләкләү тантанасы уза.Китап герой-шагыйрь Муса Җәлилнең тууына 110 ел тулу уңаеннан чыгарылды. Аның тиражы - 4 мең нөсхә.

Чыганак: http://tatar-inform.tatar

     Казан дәүләт федераль университетының Лев Толстой исемендәге Филология һәм мәдәниятара коммуникацияләр институты 2016 елның көзге чорына түләүсез татар теле курсларына тыңлаучылар җыя. Дәресләр 26 сентябрьдә башлана, дип хәбәр итте КФУның матбугат хезмәте.Төркемнәр туплану һәм дәресләр расписаниесе 11 сентябрьгә кадәр (бу көнне дә кертеп) тутырылган анкеталар нигезендә булачак. Анкетада татар телен белү дәрәҗәсе күрсәтелергә тиеш (А1, А2, В1, В2).Моннан тыш, 13нән 16 сентябрьгә кадәр түбәндәге адрес буенча гариза калдырырга кирәк: Казан, Татарстан ур., 2. Барлык сораулар буенча да институтның №227 кабинетына мөрәҗәгать итәргә була.Уку вакыты -өч ай: 26 сентябрьдән 16 декабрьгә кадәр. Дәресләр атнасына ике тапкыр: дүшәмбе һәм чәршәмбе; сишәмбе һәм пәнҗешәмбе көннәрендә үтәчәк.

Чыганак 

Шундый көн бу, олы бәйрәм үзе –

Мәгърифәткә изге юл башы.

Сихри булып кыңгыраулар чыңлый,

Фатихасын бирә Илбашы.

Халкыбызны күркәм иткән көн бу,

Урамнарга шатлык тулган көн.

Нәниләрнең керсез күңеленә

Бетмәс хатирәләр уйган көн.

Мәктәп дигән белем бишегендә,

Тукай моңнарында тибрәлеп,

Тәрбияле булып үссен һәркем

Белем серләренә өйрәнеп.