18 апрельдә Казандагы “Сәләт” йортында (Островский ур., 23) М.И. Мәхмүтов исемендәге “Фәнсар” мәктәбенең I республика фәнни-гамәли конференциясе була. Анда Татарстан мәктәпләренең 8-11нче сыйныф укучылары катнаша ала.Конференция “Сәләт” яшьләр иҗтимагый фонды, ТР Фәннәр академиясе, ТР Фән һәм мәгариф министрлыгы, ТР Яшьләр эшләре һәм спорт министрлыгы, ТР Мәдәният министрлыгы, ТР Экология һәм табигать ресурслары министрлыгы тарафыннан оештырыла. Чара Татарстан укучыларының фәнни көч-куәтен ачыклауны һәм үстерүне, интеллектуаль иҗат эшчәнлеген популярлаштыруны, шулай ук фундаменталь фәннәргә кызыксыну уятуны максат итеп куя.Конфереция 3 юнәлеш буенча үткәрелә. Аның беренчесе галәм, Җир һәм табигать турындагы фәннәргә (физика, астрономия, геология, география, химия, биология, экология һ.б.) , икенчесе – җәмгыять һәм кеше турындагы фәннәргә (җәмгыять белеме, юриспруденция, икътисад, медицина, педагогика, социология, татар теле, мәдәният, сәнгать, архитектура, тарих, археология, агрономия һ.б.), өченчесе – хисаплау, модельләштерү һәм гамәли фәннәргә (семиотика, математика, информатика, технология һ.б.) багышлана.

Фәнни чарада катнашу өчен 25 мартка кадәр www.selet.biz сайтында теркәлү узарга һәм тезисларны, фәнни эшләрне fansar@selet.biz электрон почтасына җибәрергә кирәк.

... Дәвамы

15 февраль көнне интернет челтәрендә VII Бөтендөнья "Белем җәүһәрләре" файдалы татар интернет-проектлары бәйгесе (konkurs.belem.ru) старт ала. Гаризаларны кабул итү төгәл 7 ай дәвамында барачак һәм 15 сентябрь көнне тәмамланачак. Бәйгегә нәтиҗәләр октябрь аенда ясала.

Бәйгедә татар сайтлары һәм татар версиясе булган сайтлар гына кабул ителә. Сайтлар файдалы булырга, татар кулланучылары өчен файдалы мәгълүматлар тәкъдим итәргә тиеш.

Бәйгенең төп оештыручылары: 

Татнетны үстерү фонды;
Татарстан Республикасы Мәгариф һәм фән министрлыгы;
Татарстан Республикасы Мәдәният министрлыгы.

2016 елда оештыручы-партнерлар:

"Белем.ру" җаваплылыгы чикләнгән җәмгыяте;
"Таттелеком" ачык акционерлык җәмгыяте;
(бәйгенең иганәчеләре һәм партнерлары тулылана бара, бәйгене югары дәрәҗәдә оештыруда сез дә ярдәм итә аласыз).

Быел бәйге киңрәк дәрәҗәдә үткәрелә һәм аңа яңа номинацияләр кертелде. 2016 елда бәйгедә 100 дән артык татар сайты катнашыр дип көтелә.

Бәйгенең 2016 ел номинацияләре:

"Укытучы - җәүһәр" номинациясе. Әлеге номинациядә укытучы шәхесенә һәм аның эшчәнлегенә баг ... Дәвамы